Stvarajecca dziaržaŭny infarmacyjny resurs «Rejestr bytavych pasłuh Respubliki Biełaruś». Jak paviedamiła pres-słužba prezidenta, adpaviedny ŭkaz № 371 Alaksandr Łukašenka padpisaŭ 24 lipienia.
U rejestr bytavych pasłuh Biełarusi buduć uklučacca: źviestki ab subjektach haspadarańnia (jurydyčnych asobach i indyvidualnych pradprymalnikach), jakija akazvajuć bytavyja pasłuhi, vidach bytavych pasłuh, formach bytavoha absłuhoŭvańnia; źviestki ab abjektach bytavoha absłuhoŭvańnia, u jakich akazvajucca bytavyja pasłuhi; zvodnyja źviestki ab stanie bytavoha absłuhoŭvańnia.
Farmiravańnie i viadzieńnie rejestra bytavych pasłuh uskładajecca na Ministerstva handlu. Finansavańnie rabot pa stvareńni i viadzieńni rejestra budzie ažyćciaŭlacca za košt srodkaŭ, vydzielenych z respublikanskaha biudžetu na ŭtrymańnie nazvanaha ministerstva, a taksama inšych krynic u adpaviednaści z zakanadaŭstvam.
Uniasieńnie źviestak u rejestr bytavych pasłuh, a taksama akazańnie elektronnych pasłuh pa pradstaŭleńni infarmacyi ź jaho budzie ažyćciaŭlacca na biazvypłatnaj asnovie.
Ukazam praduhledžany pierachodny pieryjad. Tak, subjekty haspadarańnia, jakija akazvajuć bytavyja pasłuhi da 1 śniežnia 2014 hoda, mohuć ažyćciaŭlać hetuju dziejnaść biez uklučeńnia ŭ rejestr bytavych pasłuh da 1 červienia 2015 hoda. Pry namiery nadalej ažyćciaŭlać hetuju dziejnaść jany pavinny da 1 červienia 2015 hoda źviarnucca ŭ Ministerstva handlu dla ŭklučeńnia ŭ rejestr bytavych pasłuh.
«Hety rejestr dazvolić spažyŭcam bytavych pasłuh atrymlivać poŭnuju i dakładnuju infarmacyju ab subjektach, jakija ich akazvajuć, što pasłužyć dadatkovym miechanizmam abarony pravoŭ spažyŭcoŭ. Akramia taho, infarmacyja, jakaja ŭtrymlivajecca ŭ rejestry bytavych pasłuh, budzie karysnaja i subjektam haspadarańnia dla ŭstanaŭleńnia nadziejnych partnioraŭ pa kamiercyjnaj dziejnaści», — adznačyła pres-słužba.
