Premjer-ministr Biełarusi Michaił Miaśnikovič 25 lipienia ŭ čas rabočaj pajezdki ŭ Viciebskuju vobłaść pryznaŭ niezdavalniajučaj padrychtoŭku abjektaŭ da praviadzieńnia respublikanskaha fiestyvalu-kirmašu pracaŭnikoŭ vioski «Dažynki-2014» u Haradku.
BiełTA
Kamientujučy žurnalistam ubačanaje na budaŭničych placoŭkach Haradka, premjer-ministr adznačyŭ, što za dva miesiacy zaviaršyć usio budaŭnictva i rekanstrukcyju nie ŭjaŭlajecca mahčymym.
«Na padstavie tych materyjałaŭ, jakija mnie kładucca na stoł, ja mierkavaŭ, što vykanany bolšy abjom rabot. Ale lepš adzin raz ubačyć, čym sto razoŭ pačuć.
Šerah abjektaŭ, na moj pohlad, nie budzie ŭviedzieny ŭ ekspłuatacyju va ŭstanoŭlenyja terminy. Ułady i kiraŭnictva strukturnych padraździaleńniaŭ zapeŭnivajuć, što ŭsio budzie zroblena jakasna i ŭ termin, ale zastałosia dva miesiacy.
Tak, heta letnija miesiacy, heta spryjalnyja klimatyčnyja ŭmovy, ale zakončanaści i hlancu «Dažynak» pakul nie vidać», - skazaŭ Michaił Miaśnikovič.
Jon padkreśliŭ, što, zychodziačy sa stanu spraŭ, pryniata rašeńnie zasiarodzić uvahu na abjektach z vysokaj stupieńniu hatoŭnaści i ŭžo pa miery ich zaviaršeńnia pierachodzić na inšyja placoŭki, a nie trymać Haradok u takim paŭrazburanym stanie. «Treba było pieršapačatkova kancentravać uvahu i hrošy na tym, što nieabchodna ŭ pieršuju čarhu, na tym, što rychtujecca nie prosta da «Dažynak», a budzie pracavać dla ekanomiki Haradka šmat hadoŭ. Na žal, razmazali srodki pa mnohich abjektach, i ciapier treba vypraŭlać stanovišča», - skazaŭ premjer.
Michaił Miaśnikovič źviarnuŭ uvahu, što rekanstrukcyja i budaŭnictva ŭ Haradku viadziecca ź niekalkich krynic finansavańnia. Respublikanski biudžet usie płanavyja naznačeńni vydzialaje, jość jašče abłasny i miascovy, a taksama sponsarskaja dapamoha.
«Sponsarskija srodki acenieny abłvykankamam niedzie Br250 młrd. Na padstavie uskosnych prykmiet i adkazaŭ uład ja razumieju, što hetych hrošaj niama abo ich na paradak mienš», - skazaŭ na zakančeńnie premjer-ministr.
