Piatro Parašenka na sustrečy ŭ Minsku maje namier damaŭlacca pra mir, pakolki «ŭvieś śviet stamiŭsia ad vajny», paviedamlajecca na sajcie kiraŭnika ŭkrainskaj dziaržavy.
«Ukraina choča miru», — zajaviŭ Parašenka padčas rabočaj pajezdki ŭ Mikałajeŭ. Prezident Ukrainy paviedamiŭ, što 26 žniŭnia jon razam z «mahutnaj kamandaj» u składzie troch vysokich pradstaŭnikoŭ ES jedzie ŭ Minsk «havaryć pra mir».
Parašenka padkreśliŭ, što na sustrečy «zakliča zabrać bajevikoŭ z Ukrainy». «Upeŭnieny, što nam heta ŭdasca», — skazaŭ jon.
Prezident Ukrainy adznačyŭ: «Dla taho kab mieć tryvałyja pazicyi na pieramovach pa miru, treba być mocnymi — mieć adzinstva naroda, mocnuju krainu, mocnuju armiju».
«My zdolnyja abaranić suvierenitet, niezaležnaść, terytaryjalnuju cełasnaść. Siońnia my zmahajemsia za niezaležnaść Ukrainy. My z vami abaviazkova pieramožam», — zajaviŭ kiraŭnik susiedniaj dziaržavy.
U Minsku 26 žniŭnia adbudziecca sustreča ŭ farmacie Mytny sajuz — ES — Ukraina. U joj voźmuć udzieł prezidenty krain «mytnaj trojki», prezident Ukrainy, a taksama viarchoŭny pradstaŭnik ES pa pytańniach biaśpieki i źniešniaj palitycy Ketryn Eštan, adkazny za enierhietyku vice-staršynia Jeŭrakamisii Hiuntar Etynhier i kamisar pa handli Karł de Hucht.
