 |
Prezident Biełarusi Alaksandr Łukašenka pryniaŭ rašeńnie ab spynieńni impartnych pastavak sielhastechniki ŭ respubliku. Ab hetym jon zajaviŭ siońnia, adkryvajučy druhi dzień raboty sieminara kirujučych rabotnikaŭ respublikanskich i miascovych dziaržaŭnych orhanaŭ.
«Nam by chaciełasia i ŭ dalejšym kuplać impartnuju sielhastechniku na sotni miljonaŭ dołaraŭ. Ale my ŭkłali miljony dołaraŭ u ajčynnuju vytvorčaść, tamu pavinny abapiracca na svaju techniku», — adznačyŭ kiraŭnik dziaržavy.
Tamu pa prapanovie pieršaha vice‑premjera Uładzimira Siamaški i było pryniata rašeńnie ab spynieńni pastavak impartnaj techniki. Prezident paviedamiŭ, što budzie pryniaty adpaviedny ŭkaz.
Kiraŭnik dziaržavy zaklikaŭ vytvorcaŭ sielhastechniki, a taksama kiraŭnikoŭ viedamstvaŭ da «bolš strohaj adkaznaści» za jakaść biełaruskaj sielhastechniki. Alaksandr Łukašenka ličyć, što, pryniaŭšy takoje rašeńnie, budzie niedapuščalnym, kali ŭ pieryjad uborki ŭradžaju naš kambajn budzie prastojvać.
