 Vałdzis Zatlers |
Pavodle jaho słoŭ, demakratyzacyja pavinna być patrebaj samoha biełaruskaha naroda.
«Narod pavinien adčuvać, jakija źmieny jon choča, jak da ich padyści, jak ich ažyćciavić. Tamu što demakratyja i svabody pracujuć tolki tady, kali ludzi prymajuć ich jak kaštoŭnaści, vyšej za jakija niama», — zajaviŭ V.Zatlers.
Jon taksama zaznačyŭ, što svoj imidž kraina stvaraje sama. Łatvija, na dumku prezidenta, «moža być prykładam dla mnohich krain, u tym liku dla Biełarusi», tamu što jaje ekanomika «vielmi adkrytaja».
V.Zatlers padkreśliŭ, što «ekanamičnaje supracoŭnictva pamiž susiedziami łahičnaje», i hałoŭnaj umovaj takoha supracoŭnictva źjaŭlajecca toje, «nakolki jano vyhadnaje bakam». «Ekanomika — asnova, na jakoj my zarablajem svoj dabrabyt», — skazaŭ prezident.
Siarod śfier uzajemadziejańnia Łatvii i Biełarusi jon taksama adznačyŭ ekałohiju. U pryvatnaści, nahadaŭ V.Zatlers, dziakujučy apieratyŭnym i ŭzhodnienym dziejańniam biełaruskich i łatvijskich śpiecyjalistaŭ udałosia praduchilić ekałahičnuju katastrofu na Zachodniaj Dźvinie, u jakuju viasnoj hetaha hoda vyliłasia dyzpaliva paśla avaryi na naftapraduktapravodzie «Unieča — Vientśpiłs» u Biešankovickim rajonie Viciebskaj vobłaści.
Incydent z łatvijskim dypłamatam u Biełarusi, što mieŭ miesca ŭ lipieni 2006 hoda, prezident Łatvii ličyć vyčarpanym. (Razmova idzie pra druhoha sakratara pasolstva Łatvii, u dačynieńni da jakoha ŭ Biełarusi była raspačata kryminalnaja sprava pa fakcie raspaŭsiudžvańnia parnapradukcyi. — BiełaPAN.)
Što tyčycca dvuchbakovych damoŭlenaściej pa vizavych pytańniach, to pra ich pakul kazać dačasna, ličyć prezident Łatvii. Ciapier, pavodle jaho słoŭ, baki «abmieńvajucca dumkami». «Nie treba śpiašacca. Pahladzim, što nam pakaža 2008 hod», — skazaŭ V.Zatlers. U pryvatnaści, zaznačyŭ prezident, łatvijski bok maje namier pahladzieć, ci źmienicca patok biełarusaŭ u Łatviju, ci ŭźniknuć prablemy.
