Naziralnaja misija Arhanizacyi pa biaśpiecy i supracoŭnictvie ŭ Jeŭropie, jakaja bazirujecca na rasijskich pahraničnych punktach propusku «Hukava» i «Danieck» u Rastoŭskaj vobłaści, zafiksavała fakt pieravozki hruzavikami vuhalu z Łuhanskaj vobłaści na terytoryju RF.
Pra heta havorycca ŭ štotydniovaj spravazdačy naziralnaj misii ABSIE ŭ sieradu.
«Hruzavyja kanvoi pieravoziać vuhal z Łuhanskaj vobłaści ŭ Rasijskuju Fiederacyju z tych časoŭ, jak čyhunačnyja pamiežnyja šlachi znachodziacca ŭ niepracoŭnym stanie», — skazana ŭ paviedamleńni.
Taksama śćviardžajecca, što misija zafiksavała pavieličeńnie kolkaści asob, apranutych u vajskovuju vopratku, jakija pierasiakali miažu ŭ abodvuch napramkach jak va Ukrainu z Rasii, tak i naadvarot.
U pryvatnaści, kolkaść ludziej u vajennaj formie, jakija pierasiakali miažu, pavialičyłasia z 372 čałaviek da 555 u dzień. Siarod ich vialikaja kolkaść asob, jakija nazyvajuć siabie rasijskimi kazakami.
