Žanočuju zbornuju Biełarusi pa baskietbole ŭ treci raz uznačaliŭ Anatol Bujalski. Rašeńnie ab pryznačeńni adnahałosna pryniaŭ vykankam fiederacyi pa hetym vidzie sportu 21 kastryčnika.
Jak paviedamiła ŭ sieradu pres-słužba BFB, na karyść kandydata byli pryviedzienyja nastupnyja arhumienty: vialiki vopyt pracy z nacyjanalnaj zbornaj i dasiahnieńnie surjoznych vynikaŭ ź joj na suśvietnaj arenie; praca ŭ nacyjanalnym čempijanacie, što dazvalaje na pastajannaj asnovie prasočvać asnoŭnyja tendencyi raźvićcia žanočaha baskietboła; viedańnie śpiecyfiki pracy z žanočymi kamandami; vałodańnie sučasnymi mietodykami padrychtoŭki baskietbalistak.
«Najbližejšym časam» z Bujalskim budzie zaklučany doŭhaterminovy kantrakt. Śpiecyjalistu pastaŭlenaja zadača sfarmiravać skład nacyjanalnaj kamandy i hrupu śpiecyjalistaŭ dla pracy ź joj, a taksama prapracavać detalovy płan padrychtoŭki zbornaj da čempijanatu Jeŭropy 2015 hoda.
Bujalski pracavaŭ sa zbornaj u 1996—1999 i 2002—2011 hadach,
pajšoŭ paśla kanfliktu z raniejšym kiraŭnictvam fiederacyi. Ciapier jon źmianiŭ litoŭca Rymantasa Hryhasa, pad kiraŭnictvam jakoha na apošnim čempijanacie śvietu ŭ Turcyi zbornaja nie zdoleła prajści dalej za 1/8 finału.
