Kvitki na ciahnik ad vakzała Minsk-Pasažyrski da Nacyjanalnaha aeraporta Minsk buduć kaštavać pa 25 tys. rubloŭ.
Heta vynikaje z pastanovy Minekanomiki №69 ad 10 kastryčnika, jakaja apublikavana siońnia na Nacyjanalnym pravavym internet-partale.
U svaju čarhu košt za prajezd ad stancyi «Smalavičy» da prypynačnaha punkta «Nacyjanalny aeraport Minsk» budzie roŭny 14,6 tys. rublam.
Jak paviedamlałasia, Biełaruskaja čyhunka pačnie ŭ listapadzie testavuju ekspłuatacyju dyziel-ciahnikoŭ u kirunku Nacyjanalnaha aeraporta Minsk. Pieršapačatkova dla taho, kab dabracca da Nacyjanalnaha aeraporta Minsk ad vakzała Minsk-Pasažyrski, pasažyram spatrebicca kala hadziny z ulikam vydatkavanaha na tranśfiert času. Jašče raniej paviedamlałasia, što ciahniki ŭ napramku hetaha aeraporta buduć zapuščany 7 listapada.
Spačatku budzie arhanizavany ruch pa čyhunačnaj linii na sučasnych dyziel-ciahnikach. Isnujučy čyhunačny šlach budzie praciahnuty amal da samaha aeraporta. Pazastałyja 550 m da aeraporta pasažyry zmohuć pieraadoleć na śpiecyjalizavanych aŭtobusach ź nizkaj padłohaj abo pry dapamozie travałatara (biezprystupkavaja darožka).
