Photo Eugenijus Rauduvė
Pra heta paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ padčas videabryfinhu 27 kastryčnika.
«U apošnija dni kastryčnika čakajecca spakojnaje, cichaje i kamfortnaje nadvorje. Usie aktyŭnyja cykłony buduć nas minać, kraina budzie znachodzicca pad upłyvam ačahu pavyšanaha atmaśfiernaha cisku, i razam z paŭdniovymi viatrami budzie pastupać ciaplejšaje pavietra. Da piatnicy prahnazujecca biez apadkaŭ. Nočču i ranicaj miescami tuman», — skazaŭ sinoptyk.
U aŭtorak tempieratura nočču čakajecca ad minus 9°S pa paŭdniovym uschodzie da plus 2°S pa poŭnačy krainy, dniom plus 4—10°S.
U sieradu nočču minus 1—7°S, u paŭnočna-zachodnich rajonach 0 — plus 2°S, dniom plus 5—10°S.
U čaćvier nočču minus 1—7°S, u paŭnočna-zachodnich rajonach 0 — plus 2°S, dniom plus 3—9°S.
Pavodle słoŭ Rabava, u piatnicu «na fonie pavyšanaha atmaśfiernaha cisku cieraz našu krainu budzie prachodzić małaaktyŭny atmaśfierny front», jaki pryniasie bolš vobłačnaści i ŭ asobnych rajonach — karotkačasovyja daždžy. Miescami tuman. Tempieratura pavietra nočču minus 4 — plus 3°S, dniom plus 2—8°S.
«Dalej atmaśfierny front pakinie našu krainu, i 1 listapada, u subotu, znoŭ pieravažna biez apadkaŭ. Miescami tuman», — paviedamiŭ sinoptyk. Tempieratura pavietra nočču 0 — minus 6°S, miescami da minus 8°S, dniom plus 2—8°S.
U niadzielu cieraź Biełaruś projdzie čarhovy atmaśfierny front z Bałtyjskaha mora, jaki pryniasie karotkačasovyja daždžy pieravažna pa paŭnočna-zachodniaj pałovie krainy, nočču miescami z mokrym śnieham. Mahčymy słaby hałalod. Tempieratura pavietra nočču minus 4 — plus 3°S, pa paŭdniovym uschodzie minus 5—7°S, dniom plus 2—8°S, pa paŭdniovym zachadzie da plus 10°S.
