Prezident Burkina Faso Błez Kampaare zajaviŭ, što sychodzić u adstaŭku, a pasada kiraŭnika dziaržavy z hetaha času svabodnaja.
Kampaare, vystupajučy pa radyjo, zajaviŭ, što vybary buduć pryznačanyja praz 90 dzion.
Ab adchileńni prezidenta ad ułady ŭ piatnicu, abviaścili vajskoŭcy.
Zrynuty prezident Kampaare ŭ składzie ŭbrojenaj aŭtakałony nakiroŭvajecca ŭ horad Po na poŭdni krainy.
Błez Kampaare kiravaŭ Burkina Faso ciaham 27 hadoŭ paśla zachopu ŭłady ŭ vyniku vajennaha pieravarotu.
Na hetym tydni Uahaduhu i niekatoryja inšyja harady krainy achapili biesparadki, vyklikanyja namieram parłamienta prahałasavać za pradastaŭleńnie prezidentu prava bałatavacca na piaty termin.
U chodzie biesparadkaŭ byŭ zachopleny i padpaleny budynak parłamienta, pa stalicy i niekatorych inšych haradach prakaciłasia chvala pahromaŭ i rabavańniaŭ.
