Zhodna z prajektam biudžetu, pryniatym Kamitetam pa abaronie polskaha parłamienta, vojska krainy atrymaje ŭ svajo rasparadžeńnie 38,1 młrd złotych (kala $11,3 młrd), paviedamiŭ sajt www.polska-zbrojna.pl.
Polski F-16.
«Našaj metaj było skłaści taki biudžet, jaki dazvolić padvysić apieracyjnyja zdolnaści polskich uzbrojenych sił i praciahvać techničnuju madernizacyju ŭzbrojenych sił», — adznačyŭ namieśnik ministra abarony krainy Maciej Jankoŭski.
Takim čynam, vydatki Polščy na abarony składuć 2,27% vałavaha ŭnutranaha praduktu i dasiahnuć rekordnaha za post-kamunistyčnyja časy ŭzroŭniu.
U suviazi z tym, što 5 młrd złotych z hetaj sumy buduć apošnim tranšam za nabytyja źniščalniki F-16, u rasparadžeńni Minabarony ahułam zastajucca 33 młrd złotych u paraŭnańni z 32 miljardami ŭ minułym hodzie.
Z hetych srodkaŭ prykładna čverć — 8,2 młrd złotych — vydatkoŭvajucca na novuju vajskovuju techniku.
Deputaty ad apazicyjnaj partyi «Prava i spraviadlivaść» adznačyli, što ŭzrovień vajennaha biudžetu nie adpaviadaje hieapalityčnaj situacyi, i prapanoŭvali padvysić jaho da 3% VUP.
Biełaruski vajenny biudžet na hety hod składaje kala $0,75 młrd.
