Minskija vierniki carkvy «Błahadać» sabralisia na asabliva ŭračystaje słužeńnie, pryśviečanaje dniu Refarmacyi, jakoje adbyłosia 31 kastryčnika. Važnaść padziei padkreśliŭ u vitalnym słovie pastar carkvy Aleh Akulenka.
«Dobraj tradycyjaj stała praviadzieńnie śviata Refarmacyi. Heta nie prosta historyja ludziej, ale i historyja Božych dziejańniaŭ u našaj krainie. Niachaj na našaj ziamli, u našym narodzie budzie Haspodź. Dabrasłaviony narod, u jakoha Haspodź jość Boh. Siońnia mnostva chramaŭ adkryta ŭ našaj krainie, u kožnym domie jość Pisańnie. Ale nie ŭsio jašče spaznali Hospada. Budziem ža chadajničać za narod, kab Słova Božaje stała dla jaho žyvym i adkrytym», — cytuje jaho cxbe.by.
Taksama da viernikaŭ źviarnuŭsia biskup Abjadnanaj carkvy CHVIE ŭ Biełarusi Siarhiej Cvor: «Refarmacyja – heta viartańnie da Słova Božaha.
Tezisy Refarmacyi – tolki Pisańnie, tolki viera, tolki Božaja łaska, tolki Chrystos, tolki Bohu chvała – aktualnyja i siońnia. Niachaj Boh dabrasłavić jevanhielskija carkvy ŭ našaj krainie, kab my byli adzinyja, pracavali na Božaj nivie, malilisia, lubili Pisańnie».
Udzieł u śviatkavańniach pryniali starejšy pastar «Carkvy Isusa Chrysta» Dźmitryj Zialenski, pastar Carkvy Jana Pradvieśnika Antonij Bokun, rektar Teałahičnaha instytuta CHVIE Siarhiej Padniuk. Prychadžanie padrychtavali muzyčnuju prahramu na ruskaj, biełaruskaj i niamieckaj movach. Zaviaršyłasia słužeńnie kalektyŭnaj malitvaj ab biełaruskaj ziamli i litaści Božaj da Biełarusi.
