fota Siarhieja Zinina
U parkach i skvierach Minska bolš nie buduć prybirać apałaje liście.
Pra heta paviedamiŭ siońnia žurnalistam staršynia kamiteta pryrodnych resursaŭ i achovy navakolnaha asiarodździa Minharvykankama Alaksandr Baravikoŭ.
«Prybirajučy apałaje liście ŭ parkach i skvierach, čałaviek parušaje naturalny kruhazvarot rečyvaŭ u pryrodzie. Apałaje liście ŭtvaraje pierahnoj, jaki siłkuje hlebu, a my uborkaj faktyčna źbiadniajem ziamlu. Ad hetaha pačynajuć pakutavać drevy», — skazaŭ Alaksandr Baravikoŭ.
Pavodle novaha rašeńnia, liście buduć zhrabać tolki za piać mietraŭ ad prajeznaj častki, kab jany nie pieraškadžali ruchu aŭtamabilaŭ, a taksama nie zabivali liŭnievyja kanalizacyi. Pa słovach Alaksandra Baravikova, zabarona na zbor apałaha liścia dapamoža nie tolki zachavać ekałahičny bałans, ale i zekanomić biudžetnyja hrošy.
