Paśla sutak, praviedzienych u aeraporcie Frankfurta, palityčny ahladalnik Radyjo Svaboda Valer Karbalevič zdoleŭ trapić u Strasbur, dzie razam z hrupaj biełaruskich žurnalistaŭ biare ŭdzieł u sustrečy z supracoŭnikami Rady Jeŭropy.
Pry dapamozie MZS Hiermanii palitołahu Valeru Karbaleviču vydali adnarazovuju vizu, jakaja dziejničaje da 8 listapada. Karbalevič paviedamiŭ, što pra heta mocna pakłapaciłasia taksama Rada Jeŭropy i pasolstva Hiermanii ŭ Biełarusi.
«Niamieckaja palicyja ŭ aeraporcie Frankfurta vydała mnie vizu — da 8 listapada. Kvitok z Frankfurta da Strasbura ja kupiŭ za svaje hrošy, kaštavaŭ jon kala 60 jeŭra. U vyniku niamieckaja palicyja dapamahła i razabracca, dzie kvitok kupić, i jak sieści ŭ samalot», — skazaŭ Valer Karbalevič.
2 listapada Valera Karbaleviča zatrymała frankfurckaja palicyja za toje, što jon pierasiakaŭ miažu sa słavackaj šenhienskaj vizaj u pašparcie. Jamu zabaranili ŭjezd u Hiermaniju i prapanavali viarnucca ŭ Biełaruś.
