Biudžet na 2015 hod płanujecca sfarmiravać z praficytam. Ab hetym siońnia žurnalistam zajaviŭ namieśnik ministra finansaŭ Biełarusi Maksim Jermałovič.
Maksim Jermałovič adznačyŭ, što pryniata rašeńnie dachody, atrymanyja ad zaličeńnia pošlin na naftapradukty z rasijskaj nafty, nakiroŭvać na pahašeńnie źniešnich dziaržaŭnych abaviazacielstvaŭ. «Tyja prahnazujemyja abjomy pošlin, jakija pastupiać u biełaruski biudžet u 2015 hodzie, buduć nakiroŭvacca vyklučna na pahašeńnie dziarždoŭhu», — skazaŭ Maksim Jermałovič.
Abjom pošlin zaležyć ad prahnozaŭ cany na naftu i adpaviedna stavak ekspartnych pošlin. «Z ulikam taho, što treba častkova efiekt ad padatkovaha manieŭru pravodzić i ŭnutry Biełarusi praz roznyja instrumienty», — adznačyŭ namieśnik ministra.
«Ad $1,5 młrd da $2 młrd my raźličvajem nakiravać na pahašeńnie źniešnich dziaržaŭnych abaviazacielstvaŭ u 2015 hodzie za košt hetaha instrumienta», — dadaŭ Maksim Jermałovič.