Premija imia Franciška Alachnoviča ŭručajecca za najlepšy tvor, napisany ŭ źniavoleńni.
Tematyka tvoraŭ, što mohuć pretendavać na premiju, nijakimi patrabavańniami nie abmiežavanaja. Na razhlad prymajucca dakumientalnyja i mastackija tvory na biełaruskaj i ruskaj movach, jak apublikavanyja, hetak i ŭ rukapisach, stvoranyja ŭ źniavoleńni i dasłanyja na praciahu hodu. Prava naminacyi majuć taksama ŭsie siabry Biełaruskaha PEN-centra.
Žury vyznačaje pieramožcu i abviaščaje vyniki 10 śniežnia, u Mižnarodny dzień pravoŭ čałavieka.
Dasyłajcie tvory na adras [email protected] i [email protected] da 1 śniežnia 2014 hoda.
Arhanizatary płanujuć uručać premiju imia Franciška Alachnoviča, pakul situacyja ŭ krainie budzie davać dla hetaha padstavy, ale majuć spadzieŭ, što jana jak najchutčej stracić svaju aktualnaść.
Cyrymonija hanaravańnia pieršych łaŭreataŭ Premii imia Franciška Alachnoviča adbyłasia ŭ Minsku 10 śniežnia 2013 hoda, u Mižnarodny dzień pravoŭ čałavieka. Naminantami stali Anatol Labiedźka, Aleś Bialacki, Jury Bandažeŭski, Pavał Sieviaryniec, Aleś Kirkievič. Hałoŭnuju ŭznaharodu atrymaŭ Ihar Alinievič (kniha «Jedu v Mahadan», 2013).
