Alaksandr Łukašenka zasłuchaje siońnia dakład urada, Nacyjanalnaha banka, abłvykankamaŭ i Minskaha harvykankama ab rabocie ekanomiki za minuły pieryjad 2014 hoda, acency vynikaŭ hoda i prajektach prahnozu, biudžetu i hrašova-kredytnaj palityki na 2015 hod.
Ab hetym paviedamili ŭ pres-słužbie biełaruskaha lidara.
Płanujecca, što kiraŭniku dziaržavy, u pryvatnaści, paviedamiać ab raźvićci realnaha siektara biełaruskaj ekanomiki, šlachach pieraadoleńnia niehatyŭnych tendencyj i prapanovach pa zabieśpiačeńni zbałansavanaha raźvićcia Biełarusi ŭ 2015 hodzie. U centry ŭvahi taksama buduć pytańni vykanańnia ŭ 2014 hodzie respublikanskaha i miascovych biudžetaŭ, padatkovaj palityki i farmiravańnia respublikanskaha biudžetu na 2015 hod. Akramia taho, Łukašenku prainfarmujuć ab vykanańni Asnoŭnych kirunkaŭ hrašova-kredytnaj palityki Biełarusi na 2014 hod i adpaviednym prajekcie na 2015 hod.