Na nieabchodnaść hetaha kiraŭnik dziaržavy źviarnuŭ uvahu siońnia ŭ čas dakłada ŭrada, Nacyjanalnaha banka, abłvykankamaŭ i Minskaha harvykankama ab rabocie ekanomiki za minuły pieryjad 2014 hoda i prajektach prahnozu, biudžetu i hrašova-kredytnaj palityki na 2015 hod.
«Banki žyrujuć! Pryciahvajemyja resursy banki biaruć pad 20 pracentaŭ, a potym pierapradajuć hetyja hrošy na 15-20 pracentaŭ daražej. A bankiry jašče kažuć — dyk nam hetaha mała, kab banki narmalna funkcyjanavali»,
— padkreśliŭ Alaksandr Łukašenka.
Źviartajučysia da kiraŭnika Nacbanka Nadziei Jermakovaj, Łukašenka zajaviŭ:
«Kab nie było bolš razmoŭ nakont taho, što vy tam žyrujecie razam z bankami, davajcie damovimsia tak. Ja, naprykład, formułu havaru. Vaša zarpłata pavinna być niedzie blizkaja da zarpłaty premjer-ministra. Usie astatnija pavinny być vybudavany jak va ŭradzie. Chto nie choča pracavać — zvalniajciesia adrazu. Toje ž samaje pa raschodach usich bankaŭ, pačynajučy ad vas i zakančvajučy inšymi. Abydzieciesia dvuma aŭtamabilami ŭ Nacbanku dla absłuhoŭvańnia — značyć, dva lehkavyja aŭtamabili. Siońnia heta niatanna, tym bolš takija ceny na bienzin. Zabieśpiačeńnie, zarpłata, prahramnaje zabieśpiačeńnie, bieź jakoha nie abyścisia — asabista zaćvierdzicie kožnamu. Usio astatniaje źniać. I asabista mnie dałažycie svaju pazicyju, nie ŭzhadniajučy ni ź jakimi bankami».
«Usich padstryhčy pad adzin hrebień, — zapatrabavaŭ kiraŭnik dziaržavy. — I tady, kali i drenna budzie, my narodu zmožam rastłumačyć. Drenna? Drenna ŭsim. Heta nie małavažnaje pytańnie. Jak akazvajecca, jano ŭ 15-17 pracentaŭ vylivajecca pry košcie kredytnych resursaŭ našych bankaŭ. Nie hledziačy ni na jakija banki — ni na biełaruskija, ni na rasijskija, ni na zamiežnyja, — usich padstryhčy pad adzin hrebień»
