Karejskaja kampanija LG prezientavała smartfony AKA, jakija pazicyjanuje jak «telefony z charaktaram», piša CNet.
Smartfony LG AKA pastaŭlajucca z čatyrma «charaktarami»: žoŭty samalubivy Ehi, bieły durnavaty Vuki, ružovaja hareza Jojo i sini miełanchaličny miełaman Soŭł.
Pad «charaktarami» kampanija razumieje kalarovaje azdableńnie (dastupnyja źmiennyja paneli) i zastaŭki ź virtualnymi vačyma — kožny «charaktar» maje ŭnikalkuju animacyju.
Kali smartfon znachodzicca ŭ režymie čakańnia ŭ čachle, na jaho ekranie mirhajuć «vočy» adpaviednaha charaktaru.
U vypadku, kali ŭładalniku nadakučyć «charaktar», jaho možna zamianić — dakupić panelku, nie mianiajučy telefon.
Načyńnie smartfonaŭ zvyčajnaje: Android 4.4, 5-calevyy HD-ekran, 4-jadzierny pracesar na častacie 1,2 HHc, asnoŭnaja kamiera na 8 Mp, batareja na 2610 mAh.
Pakul telefony pradajucca tolki ŭ Paŭdniovaj Karei za 456 dalaraŭ u ekvivalencie. Ab płanach pa pastaŭkach u inšyja krainy nie paviedamlajecca.