Ci možna znajści bałans u biznesie i žyćci, kali i muž, i žonka — biznesmieny z paśpiachovymi prajektami?
Pra heta jak nichto lepš moža raskazać dyrektar internet-kampanii Astronim* Bahdan Karaviec. U jaho žonki Aleny — svoj niezaležny miedyjny internet-prajekt i šerah inšych biznesaŭ. A akramia biźniesu ŭ siamji padrastajuć dačka i syn — piaci i siami hadoŭ. Ci atrymlivajecca sumiaščać spravy siamiejnyja ź dziełavymi sustrečami, ci adno škodzić druhomu?
Adznačym, što para Karaviec vystupić maderataram na viečarovaj dyskusii «Bałans u žyćci i biznesie» 18 listapada ŭ hateli «Reniesans Minsk» u miežach Mižnarodnaha forumu pradprymalnictva, klučavoj padziei GEW, arhanizavanaha pry padtrymcy Ahienctva ZŠA pa mižnarodnym raźvićci.
Simvalična, što dla intervju z Bahdanam Karaŭcom udałosia sustrecca ŭ jaho ofisie na vulicy Kastryčnickaj tolki ŭ vychodnuju piatnicu — Dzień Kastryčnickaj revalucyi.
— U biznesmienaŭ niama ni dnia, ni nočy, ni vychadnych, ni śviataŭ. I ja nie mahu sabie dazvolić takoj kolkaści vychodnych, jak vyłučaje ŭsim naša dziaržava, — patłumačyŭ Bahdan. Tamu hety vychadny jon pryśviaciŭ važnaj sustrečy pa zapusku novaha ŭłasnaha startap-prajekta.
Bahdan i Alena ažanilisia ŭ tryccać hadoŭ, kali biznesu kožnaha było ŭžo pa piać hadoŭ. Jak pryznajecca sam Bahdan, «pieršyja try hady ź dziećmi biez snu — heta vielmi mocny ŭdar i pa zdaroŭi, i pa zdolnaści adekvatna pracavać dniom». Voś vam i ŭvieś «biznes»!
— Kolki času i ŭvahi patrabuje da siabie vaš biznes?
— Biźnies abaznačaje, što ty zajmaješsia hetym bieź pierypynku śviadomaści i ŭvahi. 24 hadziny ŭ sutki. Asabliva, budučy biznesmienam ŭ našaj krainie, kali ŭvieś čas niešta zdarajecca. Nu, a biznesmieny ŭ IT — heta naohuł samyja «zahnanyja» biznesmieny, bo jany žorstka pryviazanyja da biznes-pracesaŭ i supracoŭnikaŭ pa biahučych prajektach. Mahčymaść dystancyjnaj pracy hraje ź ludźmi ciapier zły žart — sučasnyja kamunikacyi, jakija dazvalajuć ludziam pracavać addalena, pryviazvajuć kiraŭnikoŭ da svaich ža biznes-pracesaŭ namiortva. U mianie rehularna da poŭnačy idzie šerah pryjomak rabot, pastanovak zadač kamuści na noč, kab atrymać vynik ranicaj i puścić jaho ŭ chod dalej. Hetaja situacyja stałaja. I siamiejnamu dabrabytu heta nijak nie spryjaje, jak razumiejecie.
Naohuł ža, paśpiachovaje sumiaščeńnie žyćcia i biznesu — heta mif. Niejkaha siaredniaha varyjantu, jaki zadavalniaŭ by ŭsich, dasiahnuć vielmi składana.
— Ci byvajuć u biznesoŭca sapraŭdnyja vychadnyja?
— Viadoma, sapraŭdnyja vychodnyja, kali ty pryśviačaješ siabie siamji, byvajuć. Ich možna zładzić u luby momant. Da taho ž źmiena luboj dziejnaści karysnaja. Treba ačyščacca, trymać siabie ŭ formie. Možna sieści siamjoj i kudy-niebudź źjechać, ale luboje adklučeńnie ad «matrycy» niasie niebiaśpieku. Možna niejak sabrać, pierakinuć spravy. Ale, adklučyŭšysia na dzień-dva-tydzień, ty abaviazkova niejak zapłaciš za hety adpačynak.
Da taho ž, u kiraŭnika jość zadačy apieratyŭnyja, a jość stratehičnyja, jakija patrabujuć bolš hłybokaha padychodu. U zvyčajny pracoŭny dzień składana vyłučyć 3-4-5 hadzin, kab ŭdumliva papracavać nad čymści. Pad heta zastajucca tolki viečar albo niejki vychadny dzień.
Sport. Rehularny sport na ŭzroŭni fizkultury cieła i duchu zbolšaha vyrašaje hetuju prablemu. Ja biehaju pa ranicach, i mnie heta dapamahaje čyścić mozh i cieła, nie dazvalajučy pierapaŭniacca lišnimi emocyjami.
— Biznes zvyčajna vybudoŭvajecca pa niejkich napracavanych schiemach. Ci možna vybudavać padobnym čynam siamiejnyja spravy?
— Biznes — heta racyjanalnaść. Na žal, ja nie mahu vazić dziaciej na treniroŭki ŭ 6 hadzin viečara. «Ajcišniki» tolki bolš-mienš pračynajucca da hetaha času i pracujuć, pry hetym jašče i samaja hadzina-pik na darohach u horadzie. Nie mahu sabie dazvolić stracić šmat času na raźjezdy pa horadzie.
Ale siamja — štuka davoli iracyjanalnaja. I davodzicca prymušać pavodzić siabie nieracyjanalna, kab choć niejak zajmacca siamjoj.
Niekatorym udajecca ŭbudavać siamju ŭ racyjanalnyja ramki. Jano tak i pavinna być. Siamja — heta taksama biznes. Ale hetamu zaŭsiody jość spryjalnyja ŭmovy ŭ vyhladzie volnaj druhoj pałovy abo vielmi vialikich vydatkaŭ na dadatkovy piersanał u vyhladzie niań, trenieraŭ, siadziełak i h.d. Abo kali biznes paddajecca bolšaj sistematyzacyi i ŭparadkavańniu, čym moj. Kali ž viartacca da IT-biznesu, to tut usio zanadta dynamična raźvivajecca, jak u biznes-pracesach, tak i ŭ kamunikacyjach, i ŭ pracoŭnaj kultury. Heta nakładvaje adbitak i na siamju.
— Heta značyć, pa fakcie lubaja ŭłasnaja sprava — heta ŭdar pa siamji?
— Tak. Ja realna nie viedaju žyvych prykładaŭ, kali ludzi ŭdvaich zajmalisia b biznesam i pry hetym siamja b nie pakutavała. Absalutna ŭsie sutykajucca z anałahičnymi prablemami. I ŭsich cikavić, jak ža damahčysia bałansu ŭ žyćci i biznesie. Mahčyma, na viečarovaj dyskusii na Mižnarodnym forumie pradprymalnictva šlachi vyrašeńnia hetaj prablemy nam padkažuć inšyja biznesmieny.
Pakul ža vidavočnyja šlachi vyrašeńnia — babuli, niani — farmalna dazvalajuć kazać pra sumiaščeńnie siamji i biznesu, ale pa fakcie dzieci rastuć ź inšymi ludźmi. Samy kłasičny i aptymalny varyjant, kali u biznesoŭca žonka nie pracuje i całkam zajmajecca siamiejnymi spravami. U takim vypadku ŭsio praściej i siamja zdolnaja padładžvacca pad hrafik biznesmiena.
— Pytańnie ab tym, kab delehavać biźnies i ŭščylnuju zaniacca siamjoj, nie paŭstavała?
— Ja nie viedaju vypadkaŭ, kali ludzi zmahli delehavać biźnies da takoha stanu, kab spakojna syści ŭ siamju. Pa mienšaj miery ŭ IT heta niemahčyma. Moža, u handli abo vytvorčaści, dzie biznes-pracesy možna «ŭstakanić» i biznes pracuje pa naładžanaj schiemie?
— Jak prajšoŭ hety pracoŭny tydzień dla vas?
— Naprykancy tydnia dla mianie pačatak tydnia pa adčuvańniach — heta ŭžo minuły miesiac. Za 4 minułyja dni ja trojčy viartaŭsia dadomu da paŭnočy i dziaciej bačyŭ tolki ranicaj. Heta realnaść, jakaja źviazana ŭ tym liku i z hieapalityčnymi źmienami na rasijskim rynku, jaki dla bolšaści biełaruskich biznesaŭ źjaŭlajecca klučavym. Padziei apošnich miesiacaŭ prymušajuć chvalavacca i rychtavacca da samych horšych scenaroŭ.
— Jak vašy dzieci staviacca da adsutnaści baćkoŭ doma?
— U ich užo naturalny psichoz na hetaj hlebie. Bo heta nienarmalna, viadoma, kali baćki na niekatory čas źnikajuć z žyćcia svaich dziaciej. Kali maja mama pryjazdžaje ŭ hości na paru dzion, pry jaje źjaŭleńni ŭ dziaciej pačynajecca histeryka. Jany bajacca, što baćki źniknuć prosta ciapier. Zdarajecca, što i ja, i žonka zaniatyja na jakoj-niebudź važnaj kanfierencyi. I pytańnie, jak ža być ź dziećmi, padvisaje ŭ pavietry siakieraj — kamu hałavu na płachu?
— Kali biznesmienu možna puścić svoj biznes u svabodnaje płavańnie, a samomu syści na adpačynak?
— Ja nie viedaju ludziej, jakija zmahli b u 30—40 hadoŭ niejak zastacca ŭ statusie biznesmiena, ale pry hetym pieraklučycca na siamju. Albo ty całkam usio pakidaješ i sychodziš, albo chutka biažyš napierad. Minimalnaje tarmažeńnie i prypynak — heta jak try kroki nazad.
Usie biznesmieny marać pra toje, kab stvaryć biźnies z pasiŭnym prybytkam, delehavać kamuści apieratyŭnuju pracu, a samim atrymlivać asałodu ad žyćcia. Udajecca heta adzinkam. Paradoks jašče ŭ tym, što čaściej za ŭsio pry hetym siemji nie zachoŭvajucca.
— Vy možacie nazvać siabie pracaholikam?
— Z boku tak moža padacca, ale ja siabie pracaholikam nie liču. U mianie niama zaŭziataha žadańnia pierapracoŭvać. Chutčej heta ŭsio zališni pierfiekcyjanizm, u čymści — niazdolnaść pravilna delehavać funkcyi, u čymści — raspłata za niejkija niaŭdałyja kroki.
Adznačym, što pahutaryć tet-a-tet z Bahdanam i Alenaj Karaviec, a taksama abmierkavać «Bałans ŭ žyćci i biźniesie» možna budzie na viečarovaj dyskusii 18 listapada ŭ hateli «Reniesans Minsk» u ramkach Suśvietnaha tydnia pradprymalnictva.
Mižnarodny forum pradprymalnictva projdzie 18 listapada ŭ hateli «Reniesans Minsk». Prahrama i śpikiery forumu pieraličany tut. Kupić kvitki možna tut. Ab inšych mierapryjemstvach Tydnia možna daviedacca tut.
