Supracoŭniki kryminalnaha vyšuku Słuckaha RAUS i UUS Minabłvykankama zatrymali maładoha čałavieka, jaki zabiŭ babulu svajoj siabroŭki dziela nažyvy.
Jak paviedamili va UUS Minabłvykankama, 11 listapada ŭ Słucki RAUS źviarnułasia 48-hadovaja miascovaja žycharka, jakaja zajaviła, što z 5 listapada nie vychodzić na suviaź i adsutničaje doma jaje 69-hadovaja maci. Pry praviadzieńni pošukavych mierapryjemstvaŭ supracoŭniki milicyi ŭ padvale piacipaviarchovaha doma, dzie žyła žančyna, znajšli jaje cieła z mnohimi siečanymi ranami hałavy. Pa hetym fakcie Słuckim rajonnym adździełam Śledčaha kamiteta była raspačata sprava na padstavie č. 1 art. 139 KK (zabojstva).
Padčas apieratyŭna-vyšukovych mierapryjemstvaŭ u pole zroku supracoŭnikaŭ kryminalnaha vyšuku UUS Minabłvykankama i Słuckaha RAUS trapiŭ 19-hadovy chłopiec adnoj z unučak zahinułaj. Jon błytaŭsia ŭ pakazańniach i pavodziŭ siabie vielmi niervova. Pravierka na palihrafie pakazała, što jon moža mieć dačynieńnie da hetaha złačynstva.
Padčas dalejšych apieratyŭna-śledčych mierapryjemstvaŭ było ŭstanoŭlena, što 8 listapada małady čałaviek pryjšoŭ da pažyłoj žančyny, padmanam zavabiŭ jaje ŭ padvał doma, dzie niekalki razoŭ udaryŭ pa hałavie siakieraj i sapiornaj łapatkaj, paśla čaho zamknuŭ dźviery padvała na zamok i padniaŭsia ŭ kvateru. Zabraŭšy 300 tysiač rubloŭ, 80 dołaraŭ ZŠA, dva załatyja piarścionki, zavušnicy, kryžyk i łancužok, adpraviŭsia ŭ Salihorsk, dzie zdaŭ u łambard vykradzienyja kaštoŭnaści za 3 młn. 500 tys. rubloŭ. Hrošy patraciŭ na śpirtnoje i spajs.
