Jak paviedamili ŭ MUS, biełarusaŭ usio čaściej ašukvajuć pry pakupcy aŭtamabilaŭ u Rasii. Pradaŭcy časta prosiać u pakupnika pakinuć kopiju pašparta, a praź niejki čas pieradajuć nibyta aformlenyja damovu kupli-prodažu i dakumienty na mašynu.
A paśla vyśviatlajecca, što dakumienty padroblenyja, a aŭto znachodzicca ŭ vyšuku — kradzienaje.
Da prykładu, adzin ź biełarusaŭ pajechaŭ u Maskvu pa «BMV Ch5», jaki vybraŭ jašče praź internet. Kali sustreŭsia z pradaŭcom, toj paprasiŭ biełarusa pačakać, pakul jon źjeździć i sam aformić dakumienty. Kaniečnie, zapisaŭ jaho źviestki. A kali ŭžo biełarus staviŭ mašynu na ŭlik u DAI, vyjaviłasia, što jana znachodzicca ŭ vyšuku. A źviestki byłoha ŭładalnika ŭ dakumientach byli vydumanymi.
Inšy biełarus pajechaŭ u Rasiju pa «Leksus». Kali pryhnaŭ u Biełaruś, daviedaŭsia, što aŭto taksama kradzienaje. Mašynu kanfiskavali.
U MUS adznačajuć, što sioleta ŭ Rasii ŭ vyšuk abviaścili 105 tysiač aŭtamabilaŭ. Nie vyklučana, što častku mašyn pad vyhladam lehalnych mohuć pradać i biełarusam. I rajać niepasredna prysutničać pry afarmleńni dakumientaŭ.