Papa Francišak admoviŭ u aŭdyjencyi Dałaj-łamu z-za aściarohi pahoršyć i biez taho ŭskładnienyja adnosiny z Kitajem, piša The Guardian sa spasyłkaj na zajavu Vatykana. Taksama paviedamlajecca, što duchoŭny lidar Tybieta prajaviŭ razumieńnie ŭ hetaj niaprostaj situacyi.
Dałaj-łama XIV ŭ Rymie zajaviŭ italjanskim ŚMI, što źviarnuŭsia da Vatykanie z prośbaj ab sustrečy z papam Franciškam, ale atrymaŭ admovu. Krynica ŭ Vatykanie, jakaja pažadała zastacca nienazvanaj, paviedamiła, što matyvam admovy było niežadańnie pravakavać pieraśled katalikoŭ u KNR.
U Rymie 12-14 śniežnia prachodzić samit łaŭreataŭ Nobieleŭskaj premii miru. U Italiju sustreča była pieraniesiena z PAR paśla admovy ŭładaŭ krainy vydać vizu tybieckamu lidaru. Dałaj-łama byŭ hanaravany Nobieleŭskaj premii miru ŭ 1989 hodzie.
Papa Francišak taksama admoviŭsia sustrakacca z udzielnikami samitu, i jaho ŭdzieł u mierapryjemstvie abmiežavaŭsia videazvarotam da nobieleŭskich łaŭreataŭ.
