Zabaronu na pastaŭki charčovaj pradukcyi biełaruskich pradpryjemstvaŭ Rasija moža źniać 23 śniežnia. Ab hetym paviedamiŭ siońnia žurnalistam u Saviecie Ministraŭ namieśnik premjer-ministra Michaił Rusy.
«My damovilisia, što buduć razhledžany pytańni pa šerahu pradpryjemstvaŭ, kab jany atrymali «dabro» na pastaŭki na rasijski rynak», - skazaŭ vice-premjer. Jon udakładniŭ, što ŭ liku hetych pradpryjemstvaŭ Rahačoŭski małočna-kansiervavy kambinat, Brescki miasakambinat, maładziečanskaje pradpryjemstva «Viales», kampanija «Inkafud». Pry hetym Michaił Rusy źviarnuŭ uvahu, što rasijskija śpiecyjalisty ličać, u pryvatnaści, Rahačoŭski małočna-kansiervavy kambinat vysokaefiektyŭnym pradpryjemstvam jeŭrapiejskaha ŭzroŭniu
Jak paviedamlałasia, zabaronu na pastaŭki charčovaj pradukcyi ź biełaruskich pradpryjemstvaŭ u suviazi ź nibyta vyjaŭlenaj nieadpaviednaściu tavarnych partyj charčovaj pradukcyi normam i patrabavańniam, praduhledžanym zakanadaŭstvam Rasii i Mytnaha sajuza, Rasija pačała ŭvodzić z kastryčnika. Za hety čas u śpis trapili bolš za 20 biełaruskich pradpryjemstvaŭ
