«Siońnia my pryniali rašeńnie prypynić pracu jašče čatyroch internet-kram. Jany znachodzilisia nie na bujnych internet-placoŭkach. Vyjavić ich nam dapamahli hramadzianie, jakija patelefanavali na haračuju liniju»,— skazała namieśnica ministra handlu Iryna Narkievič..
Padstavaj dla pryniaćcia adpaviednaha rašeńnia stała parušeńnie internet-kramami zakanadaŭstva ab handli i abaronie pravoŭ spažyŭcoŭ, jakija vykazalisia ŭ niezachavańni patrabavańniaŭ ab raźmiaščeńni na sajcie cany vyklučna ŭ biełaruskich rublach, poŭnaj infarmacyi ab pradaŭcu, vytvorcu i imparciory, infarmacyi ab mahčymaści raźliku za tavar šlacham dystancyjnaha pieraličeńnia hrašovych srodkaŭ, uzoraŭ dakumientaŭ, jakija paćviardžajuć fakt realizacyi tavaru. U adpaviednaści z pastanovaj Saŭmina ad 19 śniežania 2014 hetyja pravaparušeńni ličacca hrubymi parušeńniami praviłaŭ handlu i ciahnuć za saboj prypynieńnie pracy internet-kramaŭ. Namieśnik ministra adznačyła, što adnavić pracu hetyja kramy zmohuć 29 śniežnia pry ŭmovie, što dadzienyja im zahady buduć vykananyja.
«Manitorynh pracy internet-kramaŭ, najbujniejšych placovak idzie kožny dzień, i my budziem praciahvać heta rabić»,— padkreśliła namieśnik ministra.
20 śniežnia Ministerstva handlu prypyniła pracu adrazu 13 internet-kram.
