30 enierhabłokaŭ spynili svaju pracu na ŭkrainskich elektrastancyjach. 19 (siem błokaŭ «DTEK Dniepraenierha» i 12 błokaŭ «Centrenierha») adklučanyja z-za nizkich zapasaŭ vuhalu, astatnija — z-za niedastatkovaści hidraresursaŭ dla HES. Apošniaje charakterna dla zimovaha pieryjadu.
NEK «Ukrenierha» vymušanaja była z 22 śniežnia ŭvieści hrafiki avaryjnych adklučeńniaŭ elektraenierhii va ŭsioj krainie, paviedamlajuć ukrainskija infarmahienctvy.
Rasija ad červienia nie pastaŭlała Ukrainie haz. Na zimovy pieryjad jana abaviazałasia pastavić 4 miljardy kuboŭ — roŭna stolki, kolki treba dla zabieśpiačeńnia tranzitu ŭ krainy Jeŭrasajuza.
Akramia taho, DNR błakuje pastaŭki vuhalu z Danbasa. U svaju čarhu, i Rasija zatarmaziła ešałony z rasijskim vuhalem na miažy. Pavodle kantraktaŭ, Ukraina pavinna była atrymać z Rasii 3 młn t čornaha paliva.
