«Pryjorbank» viernie ŭsim klijentam fizasobam kamisijny zbor u pamiery 30%, jaki bank paśpiešliva źniaŭ sa svaich klijentaŭ pry prodažy bieznajaŭnaj valuty 19 śniežnia.
30% kamisija na kuplu valuty hramadzianami była ŭviedziena pastanovaj Nacbanka RB 20 śniežnia 2014 hoda.
«Pa ŭsich bieznajaŭnych apieracyjach pa kartkach, ździejśnienych da 20 śniežnia, naličanaja kamisija budzie viernuta aŭtamatyčna ŭ bližejšy čas», — havorycca ŭ paviedamleńni banka.
Bank prainfarmavaŭ klijentaŭ ab uviadzieńni limitaŭ na praviadzieńnie apieracyj u zamiežnaj valucie z vykarystańniem kartak u biełaruskich rublach.
Jak vynikaje z paviedamleńnia, z 22 śniežnia ŭładalniki Visa Platinum mohuć źniać najaŭnymi i vydatkavać u kramach adpaviedna nie bolš za 200 i 1500 dalaraŭ u dzień (1000 i 10000 u tydzień).
Dla bolš prostych kartak ŭviedzieny bolš žorstkija limity.
