Śviatar, pravaabaronca i były deputat Dziarždumy Hleb Jakunin pamior na 81-m hodzie žyćcia ŭ Maskvie.
«Ajciec Hleb pamior siońnia paśla ciažkaj chvaroby. Pravaabarončaja supolnaść smutkuje», — skazaŭ kiraŭnik ruchu «Za pravy čałavieka» Leŭ Panamaroŭ.
Hleb Jakunin u 60-70-ja hady byŭ udzielnikam pravaabarončaha ruchu. U 90-ch jon byŭ staršynioj ruchu «Demakratyčnaja Rasija», abiraŭsia ŭ Dziarždumu. U 1993 hodzie RPC zabaraniła śviataram udzielničać u vybarach, tamu ŭ lutym 1997 ajciec Hleb byŭ adłučany ad jaje.
Pierad hetaj padziejaj jon byŭ pryniaty va Ukrainskuju pravasłaŭnuju carkvu Kijeŭskaha patryjarchata. Hleb Jakunin byŭ adnym z zasnavalnikaŭ Apostalskaj pravasłaŭnaj carkvy — relihijnaha abjadnańnia, zarehistravanaha Miniustam ŭ 2004 hodzie.
U pačatku 90-ch jon apublikavaŭ śpisy ijerarchaŭ Ruskaj pravasłaŭnaj carkvy, jakija byli ahientami KHB.
