VARTA — heta novaja kamandnaja hulnia-viktaryna pa-biełarusku, padčas jakoj hulcy spaborničajuć ŭ viedach i vykonvajuć niepradkazalnyja zadańni. Svaje viedy pra rodny kraj i tvorčyja zdolnaści daviadziecca pravieryć naroŭni z zorkami biełaruskaj muzyki, litaratury i sportu.
«My ličym, što biełaruskamoŭnym, u pieršuju čarhu, nie chapaje taho asiarodku, ŭ jakim možna było b razmaŭlać pa-biełarusku, – raspaviadaje adna z arhanizataraŭ hulni Julija Kałodkina. — Mienavita tamu adna z metaŭ našaj hulni – paznajomić pamiž saboj ludziej, jakija razmaŭlajuć, abo chočuć razmaŭlać pa-biełarusku, zhurtavać ich. My ŭpeŭnienyja, što toj, chto pryjdzie na hulniu adzin, abaviazkova znojdzie tut kampaniju novych biełaruskamoŭnych znajomych».
U pieršaj hulni VARTA prymuć udzieł muzyka Źmicier Afanasienka i paetka, viadoŭca telekanała «Biełsat» Valaryna Kustava.
VARTA ładziać 6 čałaviek, jakija sabralisia z roznych kulturnych ruchaŭ, kab stvarać hulniu razam. Kamanda, jakaja pracuje nad hulnioj, – nie pačatkoŭcy. Kožny sa stvaralnikaŭ maje arhanizacyjny vopyt, mnohija zadziejničanyja ŭ moładzievych kulturnych i adukacyjnych arhanizacyjach dy kampanijach.
«3 lutaha adbudziecca pieršaja hulnia VARTA – i heta tolki pačatak, – dadaje Julija. — My płanujem pravodzić hulniu VARTA ź pieryjadyčnaściu niekalki razoŭ na miesiac — kožny raz z udziełam novych hulcoŭ i novych biełaruskamoŭnych zorak».
Sačyć za navinami hulni možna na staronkach VARTA UKantakcie i na Facebook.
