Kiraŭnik dziaržavy padkreśliŭ, što pamiežnaja biaśpieka znachodzicca ŭ liku najvažniejšych pytańniaŭ dziaržaŭnaj palityki.
Jon pacikaviŭsia tym, jak vykonvajucca daručeńni ŭ hetaj śfiery, jakija raniej davalisia ŭradu, Dziaržaŭnamu sakrataryjatu Rady biaśpieki, Dziaržpahrankamitetu i inšym pravaachoŭnym orhanam. Pry hetym Łukašenka adznačyŭ, što z punktu hledžańnia narmatvorčaści ŭsie nieabchodnyja pytańni byli vyrašanyja.
U studzieni 2014 na pašyranaj kalehii pahraničnaha viedamstva abmiarkoŭvalisia aktualnyja prablemy. «Tady havorka išła ab aptymizacyi orhanaŭ pamiežnaj słužby, pavyšeńni pravaparadku ŭ pamiežnaj zonie, roli abłasnych kamisij u vyrašeńni hetych pytańniaŭ, a taksama ab sadziejničańni z boku dziaržaŭnych orhanaŭ i miascovaha nasielnictva pryhraničnych rajonaŭ u achovie našych miežaŭ. Ničoha novaha ŭ hetym niama. Tak, jak heta było ŭ savieckija časy, kali miažu achoŭvaŭ ŭvieś narod, asabliva pražyvajučy ŭ pamiežžy, — skazaŭ Łukašenka.
— Ale potym my dademakratyzavalisia da taho, što nasielnictva naohuł zabyłasia, što jano žyvie ŭ pamiežnaj zonie. Vielmi važny napramak — miaža z Paŭnočnaatłantyčnym aljansam, ES u nas apynułasia zanadta demakratyčnaj. Tamu my vyrašyli viarnucca da vyprabavanaha mietadu, kab i nasielnictva było padklučana da achovy dziaržmiažy. Ale dla hetaha treba było strasianuć miascovyja orhany ŭłady i samo nasielnictva ŭ prymiežža».
Kiraŭnik dziaržavy taksama zapatrabavaŭ paviedamić jamu, nakolki uličany niehatyŭnyja tendencyi, jakija prajaŭlajucca apošnim časam uzdoŭž biełaruskaj dziaržaŭnaj miažy ŭ susiednich krainach.
«Što źmianiłasia ŭ pahranvojskach, u śviadomaści samich pamiežnikaŭ u płanie niedapuščeńnia faktaŭ, jakija byli viadomyja, až da biespakaranaha praryvu dziaržmiažy, kali my parušalnikaŭ tut łavili pa niekalki sutak?» — pastaviŭ pytańnie Alaksandr Łukašenka.
Kiraŭnik dziaržavy taksama pacikaviŭsia, jak Dziaržpahrankamitet vyrašaje zadačy adstojvańnia dziaržaŭnych intaresaŭ Biełarusi ŭ novych intehracyjnych pracesach, u tym liku va ŭzajemadziejańni z mytnymi orhanami.
«Nie zabyvajcie, što, vybudoŭvajučy adnosiny jak z Uschodam, tak i z Zachadam, my pavinny razumieć, što nacyjanalnyja intaresy — heta naša kroŭnaja sprava i śviaty abaviazak», - padkreśliŭ biełaruski lidar.
