Rejtynhavaje ahienctva Moody's źniziła kredytny rejtynh Rasii da Vaa3 z Vaa2 i papiaredziła inviestaraŭ pra mahčymaść dalejšaha źnižeńnia, havorycca ŭ paviedamleńni na sajcie arhanizacyi.
Źnižeńnie kursa rubla i słabaść nafty padryvajuć i tak niebliskučyja pierśpiektyvy ekanamičnaha rostu RF, piša ahienctva.
Vaa3 — apošni z rejtynhaŭ inviestycyjnaha ŭzroŭniu (ad Aaa da Vaa3) i vyznačajecca jak «majučy asobnyja śpiekulatyŭnyja elemienty i siaredniuju kredytnuju ryzyku». Ablihacyi, rejtynhi jakich pačynajucca z Va1, nazyvajucca «śpiekulatyŭnymi» ci «śmiećcievymi ablihacyjami».
Prablemy rasijskaj naftazaležnaj ekanomiki i rasijskaja vajennaja interviencyja suprać Ukrainy mocna ŭdaryli pa rubli i nadziejnaści dziaržaŭnaha doŭha. U svaju čarhu heta robić vielmi darahimi dla RF i rasijskich karparacyj sproby atrymać dadatkovyja srodki ad zamiežnych bankaŭ i inviestaraŭ.
«Uzrovień śmiećcia vielmi mocna paŭpłyvaje na rasijski karparatyŭny doŭh. Iranična, što mnohija dziaržaŭnyja kampanii ŭžo znachodziacca pad sankcyjami i adrezanyja ad zamiežnych rynkaŭ, tamu jany ŭ lubym vypadku nie zmohuć refinansavać svaje pazyki», — adznačyŭ partnior amierykanskaj inviestkampanii Firebird Management LLC Jan Chah u kamientaryi ahienctvu Bloomberg.
