Prezident Ukrainy Piatro Parašenka terminova viartajecca z Saudaŭskaj Aravii dla praviadzieńnia pasiadžeńnia Rady nacyjanalnaj biaśpieki i abarony ŭ suviazi z abstrełam Maryupala.
«Mižnarodnaja kaalicyja ŭ padtrymku Ukrainy pavinna dać rašučy adpor złačynstvam terarystaŭ, uzmacnić usie formy cisku na tych, chto ich spansiruje i ŭsiebakova padtrymlivaje. Mienavita pra heta siońnia ja kazaŭ u Er-Ryjadzie i pa telefonie ź lidarami viadučych krain śvietu, i ciapier terminova viartajusia va Ukrainu dla praviadzieńnia pasiadžeńnia RNBA z metaj rašučaj kaardynacyi dziejańniaŭ u suviazi z hetym žachlivym złačynstvam», - havorycca ŭ zajavie spadara Parašenki.
U vyniku abstrełu bajevikami Maryupala zahinuli 30 čałaviek, kala 100 paranienyja, a lidar «DNR» Zacharčanka zajaviŭ pra nastup na horad.
