Alena Dubiaha, fota Śviatłany Macukievič
Pra hetu historyju ŭ Vilejskim dziaržaŭnym kaledžy daznalisia tolki tady, kali pryjšoŭ list ad minčanki Haliny Drobyšavaj:
«Nie mahu nie napisać hety list u znak padziaki vašaj navučency Alonie Dubiaha. 18 studzienia ja vypadkova ŭ dyzieli Hudahaj — Maładziečna zhubiła kašalok ź vialikaj sumaj hrošaj, tryma bankaŭskim kartkami z kodami, kartkaj «Jeŭraopt», błaknotam z patrebnymi zapisami. Alona adšukała mianie pa telefonie i bieskaryśliva viarnuła kašalok. Prašu adznačyć hety redki ŭčynak u ciapierašni čas – jak prykład inšym. Žadaju hetaj dziaŭčynie ŭdačy i pośpiechaŭ va ŭsim. Chaj u Vašym kaledžy vučacca prafiesijanały spravy i prystojnaści!».
Znajšła ŭładalnicu z dapamohaj natatnika
Pačałosia ŭsio z taho, što 18 studzienia Alona jechała na dyzieli sa Smarhoni na vučobu ŭ kaledž. Kali vychodziła ŭ Maładziečnie, znajšła čorny kašalok.
Kamu jon naležyć — nie zdahadaješsia (tolki kali ŭžo znajšła ŭładalnicu, vyśvietliłasia, što taja siadzieła pobač i vyjšła raniej).
U kašalku byŭ stosik dvuchsottysiačnych kupiur. Kolki dakładna — dziaŭčyna navat i nie viedaje, hrošy nie pieraličvała. Jašče tam byli bankaŭskija kartki i natatnik. Adrazu pa pryjeździe ŭ Vilejku stała telefanavać pa znojdzienych tam numarach. Urešcie patrapiła na dačku ŭładalnicy kašalka. Pryznačyli sustreču. Na joj i addała kašalok.
Pra hetu historyju raśpiavała piedahoh-arhanizatar kaledža Śviatłana Macukievič. Zapytała jana ŭ Alony, ci prychodziła toj u hałavu dumka pakinuć hrošy sabie?
«Ni ŭ jakim razie, — adkazała dziaŭčyna. — Ja pastaviła siabie na miesca čałavieka, jaki zhubiŭ hrošy. I mnie zachaciełasia jamu dapamahčy».
U kaledžy zaachvociać Alonu
Dziaŭčyna vučycca ŭ kaledžy na pieršym kursie. Pryjechała jana sa Smarhoni. Asvojvaje Alona śpiecyjalnaści švački i cyrulnika – stvarać pryhožyja pryčoski joj chaciełasia ź dziacinstva. Vučycca dobra. Pryhoža dekłamuje vieršy – udzielničała ŭ ahladzie mastackaj samadziejnaści.
U kaledžy vyrašyli za dobry ŭčynak zaachvocić Alonu materyjalna, dadała Śviatłana Macukievič.
