Biełaruskija kataliki aburanyja zajavami ŭpaŭnavažanaha pa spravach relihii i nacyjanalnaściaŭ Biełarusi Leanida Hulaki, zroblenymi im 22 studzienia.
U suviazi z hetym vierniki pačali zbor podpisaŭ pad adkrytym listom da kiraŭnictva krainy ab tym, što krytyka biez faktaŭ z boku vysokapastaŭlenaha čynoŭnika abražaje viernikaŭ, ich pastyraŭ i ich relihijnyja pačućci.
Zhodna zvarotu, padobnymi vystupami Leanid Hulaka ŭnosić razład u adnosiny dziaržavy i Katalickaj Carkvy, nahniataje mižkanfiesijnuju varožaść.
Leanid Hulaka 22 studzienia zajaviŭ, što niekatoryja ksiandzy z Polščy sprabujuć zajmacca ŭ Biełarusi palitykaj, kiraŭnictva Rymska-katalickaj carkvy nie zacikaŭlena ŭ padrychtoŭcy svaich kadraŭ. Čynoŭnik taksama raskrytykavaŭ Katalicki Kaścioł za niapravilnuju, pavodle jaho słoŭ, sprobu stvareńnia teałahičnaj akademii.
