Adździełam pa baraćbie z ekanamičnymi złačynstvami Lidskaha RAUS vyjaŭleny fakt rastraty byłymi načalnikam i niekalkimi majstrami kaŭbasnaha cecha AAT «Lidski miasakambinat» davieranaj im pradukcyi.
Jak paviedamiła staršy opierupaŭnavažany pa asabliva važnych spravach hałoŭnaha ŭpraŭleńnia pa baraćbie z ekanamičnymi złačynstvami MUS Vieranika Paśmiećjeva, padčas apieratyŭna-vyšukovych i pravieračnych mierapryjemstvaŭ apieratyŭniki BEZ pryznačyli reviziju, paśla praviadzieńnia jakoj ustanavili niedastaču 37,5 ton miasnoj pradukcyi ŭ kaŭbasnym cechu na ahulnuju sumu amal 2 młrd rubloŭ.
Apieratyŭniki vyśvietlili, što pa vinie materyjalna-adkaznych asob kaŭbasnaha cecha i ich niadbajnaha staŭleńnia da abaviazkaŭ usiaho za 4 miesiacy (z červienia pa vierasień 2014 hoda) utvaryłasia takaja vialikaja niedastača na pradpryjemstvie. Rabotniki cecha prosta nie vykonvali techničnyja normy i praviły vytvorčaści miasnoj pradukcyi, a z boku kiraŭnictva cecha adsutničaŭ naležny kantrol za padnačalenymi.
U cechu materyjalna-adkaznymi asobami nie vioŭsia naležny ŭlik syraviny i hatovaj pradukcyi, a pry zakładcy syraviny i dapamožnych materyjałaŭ nie vykonvalisia zvyčajnyja patrabavańni pry pracy z termičnymi kamierami.
Zaraz ABEZ Lidskaha RAUS u dačynieńni da šaści padazronych asob raspačata sprava za prysvajeńnie i rastratu, učynienyja arhanizavanaj hrupaj u asabliva bujnym pamiery (č. 4 art. 211 KK).
Sami padazronyja fakt prysvajeńnia i rastraty miasnoj pradukcyi nie pryznajuć, heta infarmacyja praviarajecca apieratyŭnikami BEZ u miežach kryminalnaj spravy.
AAT «Lidski miasakambinat» źviarnuŭsia z chadajnictvam u prakuraturu Lidskaha rajona ab spahnańni ź vinavatych asob naniesienaha pradpryjemstvu ŭronu ŭ sudovym paradku.
