Manapalist u eksparcie pryrodnaha hazu z RF — «Hazprom» admoviŭsia ad płanaŭ pašyreńnia bałtyjskaha hazapravoda «Paŭnočny patok» i padaŭžeńnia jaho da Vialikabrytanii.
Pra heta skazaŭ Reuters pradstaŭnik «Hazproma» Siarhiej Kupryjanaŭ.
«Pakul płanaŭ pa pašyreńni Nord Stream niama. Hazapravod maje techničnuju mahčymaść prapampoŭvać da 60 miljardaŭ kubamietraŭ u hod. Hetaha dastatkova na dadzieny momant», — skazaŭ Kupryjanaŭ.
Raniej ab adsutnaści płanaŭ pašyreńnia «Paŭnočnaha patoku» Rejter raspaviali krynicy ŭ «Hazpromie».
«Ciapier składanaja palityčnaja situacyja, u OPAL nas tak i nie puścili. Navošta budavać jašče dźvie haliny? My nie budujem», — skazała adna krynica.
«Płanaŭ pašyreńnia Nord Stream i padaŭžeńnia jaho da Vialikabrytanii ciapier niama. Nie razhladajem», — paćvierdziła inšaja krynica.
U 2013 hodzie «Hazprom» zajaŭlaŭ ab płanach pašyreńnia «Paŭnočnaha patoku» dźviuma halinami i padaŭžeńnia jaho da Vialikabrytanii.
Ciapier haz pierapampoŭvajecca ŭ Jeŭropu pa dźviuch halinach sukupnaj płanavaj mahutnaściu 55 miljardaŭ kubamietraŭ, adnak bałtyjski hazapravod vykarystoŭvajecca prykładna napałovu z-za abmiežavańni dostupu «Hazpromu» da jeŭrapiejskaj hazavaj mahistrali OPAL pa ŭmovach treciaha enierhopakieta ES.
Maskva ŭ pačatku śniežnia admoviłasia ad budaŭnictva transčarnamorskaha hazapravoda «Paŭdniovy patok» u abychod Ukrainy, abvinavaciŭšy Jeŭrasajuz u «niekanstruktyŭnaj» pazicyi, i ciapier maje namier puścić maršrut praz Turcyju, užo paabiacaŭšy joj lhotnyja ceny na rasijski haz.