Ministr zamiežnych spraŭ Biełarusi Uładzimir Makiej 31 studzienia pravioŭ sustreču z byłym prezidentam Ukrainy Leanidam Kučmam. Adbyłosia toje «na daručeńnie Alaksandra Łukašenki», paviedamlaje BiełTA. Kučma prybyŭ u Biełaruś dla ŭdziełu ŭ pieramovach trochbakovaj kantaktnaj hrupy Rasija-Ukraina-ABSIE pa ŭrehulavańni situacyi ŭ Ukrainie.
Źviarnuła ŭvahu, što Makiej sustreŭ Kučmu, tady jak emisary tak zvanych «narodnych respublik» stavili pad sumnieŭ jahonyja paŭnamoctvy, patrabujučy pryznačeńnia aficyjnaj asoby z Kijeva.
Pavodle infarmacyi pres-słužby biełaruskaha MZS, baki abmierkavali aktualnaje stanovišča spraŭ u zonie kanfliktu, jaho ŭpłyŭ na rehijanalnuju i hłabalnuju mižnarodnuju abstanoŭku.
Padkreśliŭšy ščyruju zacikaŭlenaść Biełarusi ŭ jak maha bolš chutkim ŭstalavańni śvietu na ŭkrainskaj ziamli, ministr pažadaŭ pośpiechaŭ udzielnikam pieramovaŭ kantaktnaj hrupy ŭ Minsku.