Zaviaršyŭsia mužčynski tydzień mody ŭ Paryžy, na francuzskich vulicach, akramia žałoby, apošnimi dniami panavała kreatyŭnaść, a na pakazach — novyja trendy na siezon vosień-zima 2015.
U Paryžy ŭ apošnija dni možna było nazirać vialikuju kolkaść modnikaŭ dy modnic, siarod jakich šmatlikija rasijanki.
Na podyumach było šmat novych trendaŭ; natchnieńnie dyzajniery šukali pieradusim u minułych stachodździach dy sučasnych vulicach miehapolisaŭ.
Švedry Valentino
Prostyja hieamietryčnyja ŭzory ciešać voka.
Padajecca, što taki ścipły švedar možna lohka adšukać navat u minskim sekandzie.
Uzory Louis Vuitton
Niezvyčajny «viarovačny» prynt na palito Louis Vuitton natchniony tvorčaściu brytanskaha mastaka Krystafiera Niemieta. Jon mała viadomy za miežami Japonii, dzie pražyŭ apošnija 25 hadoŭ svajho žyćcia.
Dyrektar mužčynskaha adździeła Louis Vuitton Kim Džons — prychilnik tvorčaści Niemieta vybraŭ z archivaŭ mastaka ŭzory, jakija pieranios na vierchniuju vopratku.
Kambiniezony Hermes i Kenzo
Adzin ź niečakanych trendaŭ hoda — kambiniezony (štości mnie padkazvaje, što biełaruskim chipstaram hety trend nie spadabajecca).
Nakidka Saint Laurent
Trend, jaki užo papularny hetaj zimoj (u adroźnieńni ad kambiniezonaŭ) — nakidka. A modny dom Saint Laurent prosta prademanstravau nakidku vielmi dobraj jakaści.
Prynt Givenchy
Modny dom Givenchy prademanstravaŭ kalekcyju ŭ duchu italjanskich filmaŭ žachaŭ. «Abhareły» prynt byŭ zaŭvažany šmatlikimi modnymi redakcyjami.
Asimietryčnyja pinžaki Comme des Garcons
Da ekśpierymientaŭ z kłasičnym pinžakom usie daŭno pryzvyčailisia, adnak ideja z asimietryčnym zašpilvańniem Comme des Garsons padajecca novaj.
