leparisien.fr
Prezident Francyi Fransua Aland zajaviŭ, što Francyja nie vitaje ideju pryniaćcia Ukrainy ŭ NATA.
Pra heta jon zajaviŭ na pres-kanfierencyi ŭ Paryžy ŭ čaćvier, 5 lutaha, pieradaje Reuters.
Kiraŭnik francuzskaj dziaržavy paviedamiŭ, što jon i kancler FRH Anhieła Mierkiel u druhoj pałovie dnia adpraŭlajucca ŭ Kijeŭ z novaj mirnaj inicyjatyvaj.
U Kijevie pry hetym užo znachodzicca dziaržsakratar ZŠA Džon Kiery.
«Razam z Anhiełaj Mierkiel my vyrašyli vyłučyć novuju inicyjatyvu. My zrobim novuju prapanovu pa vyrašeńni kanfliktu, zasnavanuju na terytaryjalnaj cełasnaści Ukrainy», - zajaviŭ Aland.
Pavodle jaho słoŭ, meta ich ź Mierkiel pajezdki ŭ Kijeŭ — uzhadnić tekst, jaki stanie prymalny dla ŭsich bakoŭ.
Taksama stała viadoma, što ŭ piatnicu, 6 lutaha, Aland i Mierkiel pavinny ŭ Maskvie sustrecca pa tym ža pytańni dasiahnieńnia mirnaha vyrašeńnia ŭkrainskaha kryzisu z prezidentam Rasii Uładzimiram Pucinym.
