Apieratyŭnikami adździeła pa baraćbie z ekanamičnymi złačynstvami Centralnaha RUUS Minska sumiesna z supracoŭnikami rajonnaj padatkovaj inśpiekcyi byli ŭstanoŭleny parušeńni ŭ śfiery handlu.
Jak paviedamlaje HUUS Minharvykankama, było vyjaŭlena, što adzin z pradprymalnikaŭ handluje vierchnim adzieńniem, jakoje nie maje supravadžalnych dakumientaŭ, što paćviardžali b lehalnaść nabyćcia, u staličnaj kaviarni.
Tak, u kaviarni, jakaja maje adnu vialikuju zału, u adnoj jaje častcy naviedvalnikam padavali ježu i napoi, a ŭ druhoj vioŭsia handal vierchnim adzieńniem.
U pamiaškańni kaviarni było kanfiskavana 149 adzinak «šeraha» adzieńnia, astatniaje adzieńnie ŭ kolkaści 231 adzinki apieratyŭniki znajšli ŭ składskim pamiaškańni, jakoje znachodzicca ŭ adnym z haražnych kaapieratyvaŭ. Takim čynam, u parušalnika było kanfiskavana 380 adzinak tavaru na sumu zvyš 1,2 młrd rubloŭ.
Tydniem raniej anałahičnaje pravaparušeńnie było zafiksavanaje na staličnym rynku. Pa vynikach pravierki było kanfiskavana vierchniaje adzieńnie na sumu zvyš 200 młn rubloŭ.
U dačynieńni da parušalnikaŭ supracoŭnikami inśpiekcyi Ministerstva pa padtkach i zborach pa Centralnym rajonie Minska składzieny administracyjnyja pratakoły pa artykule 12.17 KoAP (parušeńnie praviłaŭ handlu i akazańnia pasłuh).
