U Paryžy pamierła piśmieńnica z Ałžyra Asija Džebar, viadomaja svaimi ramanami ab doli žančyny ŭ isłamskim śviecie, paviedamlaje Agence France-Presse.
Džebar było 78 hadoŭ, z 1980 hoda jana žyła ŭ Francyi. Akramia litaratury jana zajmałasia abaronaj pravoŭ čałavieka ŭ Ałžyry.
Klučavoj temaj tvoraŭ Džebaru stała baraćba za emansipacyju žančyn u arabskim śviecie. Jaje raman «Kachańnie i fantazija», napisany ŭ 1985 hodzie, uvajšoŭ u śpis «100 lepšych afrykanskich knih XX stahodździa», jak i raman «Suchi bieły siezon» pamierłaha niekalki hadzin raniej piśmieńnika z PAR Andre Brynka.
Apošnija hady Asija Džebar fihuravała ŭ śpisach pretendentaŭ na Nobieleŭskuju premiju pa litaratury.
0
0
0
0
0
0