Matč čempijanatu KCHŁ «Dynama» Minsk — «Traktar» (2:4) na telekanale «Biełaruś-5» Uładzimir Navicki kamientavaŭ pa-biełarusku.
Na pačatku matču kamientatar Uładzimir Navicki, jaki jašče tryccać hadoŭ tamu raspracoŭvaŭ biełaruskuju spartovuju terminałohiju, z radaściu adznačyŭ, što mova viartajecca ŭ chakiejnyja repartažy praz šmat-šmat hadoŭ adsutnaści.
«Paśla praciahłaha pierapynku ŭ efir tranślacyja pojdzie na biełaruskaj movie. Dobra razumieju, što paśla hetaj tranślacyi ŭ šalonaj stupieni pavialičycca kolkaść «znaŭcaŭ» biełaruskaj movy, jakija dva słovy razam źviazać nie mohuć. Ale razumieju, što heta treba, i vyklikaju ahoń na siabie».
Kiraŭnik pres-słužby chakiejnaha kłuba «Dynama-Minsk» Raman Stronhin raspavioŭ Jeŭraradyjo, što kamanda ŭchvalaje ideju vieści matčy pa-biełarusku, choć i nie źjaŭlajecca inicyjataram: «My zaŭždy ŭchvalajem vykarystańnie biełaruskaj movy, vykarystoŭvajem jaje ŭ našaj pracy».
