Srodkami prakurorskaha nahladu adnoŭleny parušanyja pravy sastarełaj žycharki Mahilova.
Jak paviedamiła staršy pamočnik prakurora Mahiloŭskaj vobłaści Ała Kuźniacova, na padstavie infarmacyi, atrymanaj z upraŭleńnia pa pracy, zaniataści i sacyjalnaj abaronie Białynickaha rajvykankama, prakuraturaj Mahilova była praviedziena pravierka ŭ dačynieńni da 84-hadovaj žančyny, jakaja žyvie ŭ vioscy Ciechcin Białynickaha rajona.
Ustanoŭlena, što ŭ 2011 hodzie jana zaklučyła ź inšaj žančynaj dahavor pažyćciovaha ŭtrymańnia z utrymańniem, jaki va ŭstanoŭlenym zakonam paradku byŭ nataryjalna zaśviedčany i zarehistravany. Zhodna z dakumientam, pamočnica pryniała na siabie abaviazacielstvy ŭtrymlivać piensijanierku, jakaja, u svaju čarhu, pieradała joj va ŭłasnaść adnapakajovuju kvateru ŭ Mahilovie, i siadziełka zarehistravała prava ŭłasnaści na žyllo za saboj.
U studzieni 2012 hoda pamočnica sa zhody padapiečnaj usialiłasia ŭ kvateru razam z mužam i dvuma małaletnimi dziećmi i zarehistravałasia ŭ joj. U adpaviednaści z dahavoram žančyna pryniała na siabie abaviazacielstvy pa zabieśpiačeńni piensijanierki žyllom šlacham zachavańnia prava pažyćciovaha biazvypłatnaha pražyvańnia ŭ adčužajemaj kvatery, zabieśpiačeńni charčavańniem i adździeńniem, nabyćciom lekaŭ, akazańniem roznych bytavych pasłuh.
Adnak abaviazacielstvy svaje nie vykonvała, nie dahladała za padapiečnaj. Babula faktyčna žyła ŭ baćkoŭskim niadobraŭparadkavanym domie ŭ antysanitarnych umovach u sielskaj miascovaści. Rabotniki Ciechcinskaha sielsavieta i miascovyja žychary prynosili joj pradukty charčavańnia i dahladali za joju. Piensijanierka nie mieła hrašovych srodkaŭ, praduktaŭ charčavańnia, spała na chałodnaj piečy z sabakami.
Prakuroram Mahilova byŭ zajaŭleny ŭ sud Leninskaha rajona horada isk ab skasavańni dahavora pažyćciovaha ŭtrymańnia z utrymańniem, a taksama ab vysialeńni «pamočnicy» i členaŭ jaje siamji z mahiloŭskaj kvatery biez vydzialeńnia inšaha žyłoha pamiaškańnia.
Iskavyja patrabavańni sudom poŭnaściu zadavolenyja.
