Aleh Moŭčan zajaŭlaje ab parušeńni vyklučnaha prava na abjekt aŭtarskaha prava ŭ poźvie, što atrymała vakalistka Naka Nastaśsia Špakoŭskaja, raspaviadaje Tuzin.FM.
Naka na prezentacyi «Re:Pieśniary». Fota: Pavieł Aksinovič, 21.by
«Malitvu» na słovy Janki Kupały i muzyku Aleha Moŭčana, što ŭvachodziła ŭ repiertuar «Pieśniaroŭ», jaje hurt vykanaŭ na kancercie-prezientacyi prajektu «Re:Pieśniary». Moŭčan nie pryniaŭ varyjant hurta i zabaraniŭ vykarystoŭvać trek. Pieśnia nie ŭvajšła ŭ składanku, ale na prezientacyi była vykananaja ŭ znak pavahi da tvorčaści Kupały i «Pieśniaroŭ».
Arhanizatar kancertu i pradziusar prajektu Siarhiej Budkin spłaciŭ praz Centr abarony intelektualnaj ułasnaści vyznačanaje zakonam aŭtarskaje ŭznaharodžańnie za vykananyja na kancercie tvory, u tym liku za «Malitvu». Ale toje nie zadavoliła Moŭčana, jon taksama admoviŭsia prymać 2,5 młn rubloŭ — sumu, roŭnuju čystamu prybytku z kancertu.
Pamier škody Moŭčan tady vyznačyŭ u 57 młn biełaruskich rubloŭ. Pa abmienie prapanovami baki nie syšlisia na ŭrehulavańni sprečki.
Zajavu ŭ sud kampazitar nakiravaŭ na adras nie arhanizatara, a niepasredna vykanaŭcy. Ciapier jon patrabuje 18 młn za parušeńnie aŭtarskich pravoŭ i skažeńnie mastackaj zadumy.
Razmova śpiavački z sudovaj kalehijaj projdzie 19 lutaha. Nastaśsia nie stała kamientavać padzieju da kansultacyi ź jurystam.
