U chutkim časie Ukraina pačnie vytvorčaść novaj palavoj formy dla vajskoŭcaŭ, u jakoj spadziajecca spałučyć novy efektyŭny kamuflažny ŭzor, lepšaje z sučasnaj amerykanskaj uniformy i nacyjanalny kałaryt.
Ahulny vyhlad novaha palavoha kamplektu palavoj formy
Snajpier u novym kamuflažy.
Pra heta paviedamili na svaich staronkach Facebook daradca prezidenta Ukrainy Jury Birukoŭ i kiraŭnik pracoŭnaj hrupy ŭ Minabarony Kanstancin Leśnik.
Prajekt byŭ pačaty vałanciorami, niezadavolenymi sastarełaj maralna i jakasna formaj ukrainskaj armii, u 2014 hodzie, i ŭžo ŭ sakaviku moža pačacca jaje masavy vypusk.
Novy ŭzor uniformy, raspracavany Leśnikom, byŭ aptymizavany śpiecyjalistami Minabarony i spačatku budzie vykarystoŭvacca adnym bataljonam Uzbrojenych sił Ukrainy.
Aficyjny ŭzor novaha ŭkrainskaha kamuflažu.
Tkanina, jakaja vykarystoŭvajecca pry pašyvie, składajecca na 40% z bavoŭny, na 35% z paliefiru i na 15% ź ilnu, napisaŭ Birukoŭ. «Paramietry tkaniny — afihieć, ale ŭsio ž taki treba jaje abkatać u palavych umovach», — dadaŭ jon.
Kulamiotčyk u novym kamuflažy padčas letnich vyprabavańniaŭ
Kroj palavoj formy ŭ sučasnych umovach amal nikoli nie maje nacyjanalnych rysaŭ, i ŭ hetym vypadku raspracoŭščyki vielmi šmat ŭziali ad kroju kamuflažnaha kamplekta armii ZŠA. Adnak było vyrašana vykarystać dla hałaŭnoha ŭbora tradycyi ŭkrainskich nacyjanalnych uzbrojenych farmavańniaŭ pačatku XX st. Kiepi pa kroi nahadvaje znakamityja «maziepinki», jakija vykarystoŭvalisia z 1916 hoda ŭkrainskim Lehijonie siečavych stralcoŭ.
Simvał dla kakardy uziaty ź pieršaj aficyjnaj vajskovaj ukrainskaj kakardy, jakuju ŭvioŭ va ŭžytak hietman Skarapadzki ŭ 1918 hodzie, napisaŭ Kanstancin Leśnik.
Simvał dla kakardy ŭziaty ź pieršaj aficyjnaj vajskovaj ukrainskaj kakardy, jakuju ŭvioŭ va ŭžytak hietman Skarapadski ŭ 1918 h., napisaŭ Kanstancin Leśnik. Novaja forma budzie aceńvacca pa standartach NATA, i patrabavańni da jaje buduć značna bolš vysokimi, čym da papiarednich uzoraŭ ukrainskaj i savieckaj uniformy, dadaje jon.
