21 lutaha dypłamaty z 22 krain sabralisia ŭ Muziei imia Janki Kupały z nahody Mižnarodnaha dnia rodnaj movy. Prysutničaŭ na im i ministr zamiežnych spravaŭ Biełarusi Uładzimir Makiej.
Mienavita jon adkryŭ viečar, pračytaŭšy na pamiać vierš Janki Kupały «Baćkaŭščyna».
Janka Kupała. Baćkaŭščyna
Ź ziamloj i niebam źviazyvaje mianie nić —
Nierazarvanaja viekviečna pavucina:
Ziamla mianie hałubić jak viernaha syna,
A sonca mnie dušu nie kidaje tulić.
Jašče ŭ kałyscy ja naŭčyŭsia ź piesień śnić
Ab hetych blizkich mnie a ciesnych tak miaścinach:
Što rodnaj nivy ja miljonnaja čaścina,
Što zorki rodnaj ŭ sercy mnie iskrynka tlić.
Tak Baćkaŭščynu ja zdabyŭ sabie biez złości,
Uzros ź jaje j čužych ź jaje nie skinuŭ kości,
Hrudźmi tuluś k joj, jak da matčynych hrudziej.
I kali ździekvajecca nada mnoju chtości —
Nad Baćkaŭščynaj ździekvajecca jon majej,
Kali ž nad joj — mianie tym kryŭdzić najciažej.
Cikavym byŭ i vybar prysutnaha na imprezie ŭkrainskaha dypłamata. Jon čytaŭ uryvak z Tarasa Šaŭčenki: «Kachajciesia. čarnabrovy, dy nie z maskalami…».
