Jak paviedamili ŭ Ministerstvie ŭnutranych spraŭ, raskryli hrupoŭku, jakaja dapamahała kiraŭnikam pradpryjemstvaŭ i arhanizacyj (dziaržaŭnych i pryvatnych) uchilacca ad vypłaty padatkaŭ. Pa papiarednich padlikach suma škody składaje bolš za 300 miljardaŭ rubloŭ. Nie vyklučana, što kančatkovaja suma moža pavialičycca.
Apieratyŭnikami ŭstanoŭlena bolš za 200 takich pradpryjemstvaŭ u realnym siektary ekanomiki.
Zatrymańni prachodzili pry padtrymcy śpiecpadraździaleńnia «Ałmaz» u roznych abłaściach adnačasova. Praviedziena bolš za 40 pieratrusaŭ. Siarod kanfiskavanych rečaŭ byli 8 adzinak zbroi i bolš za 300 bojeprypasaŭ.
«Adnym z asnoŭnych nakirunkaŭ dziejnaści členaŭ arhanizavanaj złačynnaj hrupoŭki było zaklučeńnie miljardnych kantaktaŭ z pradpryjemstvami dziaržaŭnaj formy ŭłasnaści dla pastavak pradukcyi i abstalavańnia pa zavyšanych koštach. Akramia taho apieratyŭniki zafiksavali fakty abnajaŭlivańnia hrošaj praź iłžestruktury pa nazvanych kantraktach, jakija paśla raźmiarkoŭvalisia pamiž členami hrupy», — paviedamili ŭ MUS.
Aryštavali asnoŭnych fihurantaŭ spravy, u tym liku arhanizatara hrupoŭki. U dadzieny momant ich vinavaciać u naniasieńni škody ŭ 4 miljardy rubloŭ.
Zaviedzieny šerah kryminalnych spraŭ za ŭchileńnie ad vypłaty padatkaŭ i zboraŭ, a taksama za pasobnictva va ŭchileńni ad vypłaty padatkaŭ. Rasśledavańnie praciahvajecca.
