Žychary rajona Sankt-Paŭli ŭ Hamburhu vynajšli cikavy sposab baraćby z publičnym močaspuskańniem. Reč u tym, što rajon Sankt-Paŭli — hamburhski kvartał čyrvonych lichtaroŭ, kancentracyja bieźličy baraŭ i načnych kłubaŭ. U hod hety rajon naviedvajuć kala 20 miljonaŭ čałaviek.
Tamu ŭ Sankt-Paŭli zaŭsiody mnoha niećviarozych naviedvalnikaŭ, jakija časam nie žadajuć hublać čas na pošuki prybiralni i spraŭlajuć pilnicu prosta na vulicy.
Stomlenyja absikanymi ścienami i dziciačymi placoŭkami? miascovyja žychary raspačali kampaniju «Sankt-Paŭli sikaje ŭ adkaz». Asabliva papularnyja dla publičnaha močaspuskańnia miescy apracavali śpiecyjalnym hidrafobnym pakryćciom, jakoje prymušaje vadkaść litaralna adskokvać ad ścienaŭ. U vyniku mača nie zastaniecca na ścianie, a adskočyć na nohi chulihanu.
Kampanija taksama apublikavała proma-videa, u jakim raskazvajecca pra technałohiju pakryćcia, i raić źviartać uvahu na znaki, jakija zabaraniajuć sikać u hramadskich miescach.
