Viarchoŭny sud Ukrainy pastanaviŭ nacyjanalizavać kantrolny pakiet akcyj Zaparožskaha vytvorčaha aluminijevaha kambinata, jaki naležaŭ rasijskaj mietałurhičnaj karparacyi UC Rusal. Pra heta paviedamiła Hienieralnaja prakuratura Ukrainy.
«Vyšejšaja sudovaja instancyja pastaviła kropku ŭ šmathadovaj sprečcy ab skasavańni dahavoraŭ kupli-prodažu 68,01% akcyj Zaparožskaha vytvorčaha aluminijevaha kambinata koštam pa damovie bolš 380 młn hrn i viartańni ich va ŭłasnaść dziaržavy. Vyšejšy sudovy orhan, razhledzieŭšy 11 sakavika 2015 hoda aznačanuju spravu, pahadziŭsia z dovadami prakurora i pakinuŭ sudovyja rašeńni bieź źmienaŭ», — adznačajecca ŭ pres-relizie prakuratury.
U lutym 2001 pamiž fondam dziaržmajomaści Ukrainy i «AŭtaVAZ-Inviest» byŭ zaklučany dahavor kupli-prodažu pakieta akcyj kambinata. Zhodna z umovami hetaha dahavora pakupnik braŭ na siabie abaviazacielstva pahašeńnia daŭhoŭ pryvatyzavanaha pradpryjemstva: doŭhaterminovych abaviazacielstvaŭ hramadstva pierad Dziaržaŭnym ekspartna-impartnym bankam Ukrainy pa kredytnaj damovie na sumu bolš za $75 młn, nahadvaje viedamstva.
«U toj ža čas pakupniki kantrolnaha pakieta akcyj Zaparožskaha vytvorčaha aluminijevaha kambinata — «AŭtaVAZ-Inviest» i kampanija Velbay Holdings Limited — paźbiahali vykanańnia inviestycyjnych abaviazacielstvaŭ pierad dziaržavaj pa pahašeńni zapazyčanaści tavarystva pa vyšejpakazanaj kredytnaj damovie», — adznačajecca ŭ paviedamleńni Hienprakuratury.
Heta i stała pryčynaj padačy pazovu viedamstvam, jaki byŭ zadavoleny.
