Francuzskaja vierf STX ŭ Sien-Nazery, na jakoj budujucca dla RF desantnyja viertoletonoscy typu «Mistral», atrymała ad ZŠA zamovu na hramadzianski łajnier, košt jakoha pieravyšaje kantrakt pa «Mistralach», paviedamiła ŭ čaćvier krynica ŭ karabielnaj halinie.
«Kali ŭ francuzaŭ pačałasia historyja z «pieradać-nie pieradać» «Mistral», amierykancy prapanavali im pabudavać dla siabie vialiki łajnier, tamu što hetaja vierf pieršapačatkova śpiecyjalizujecca na kruiznych sudach. Košt hetaj zamovy bolš za kantrakt na «Mistrali», tamu vierahodna, zryŭ damovy z RF ciapier dla francuzaŭ nie tak krytyčny», — skazaŭ surazmoŭca ahienctva, nie ŭdakładniŭšy kankretnuju sumu mierkavanaha amierykanskaha kantrakta ź vierfju STX.
Raniej taksama stała viadoma, što francuzskaja abaronnaja kampanija DCNS, jakaja ŭdzielničaje ŭ budaŭnictvie viertoletonosca typu «Mistral» dla RF, uvojdzie ŭ mižnarodny kansorcyum, jaki budzie pracavać nad sistemaj supraćrakietnaj abarony (PRA) NATA. Razam ź joj u kansorcyum uklučanyja amierykanskija kampanii.
